Metropolitan Cafe (已結業)

一直以為是17:50開場，原來是17:10。時間緊迫，放棄原定吃的Dan Ryan’s，就在樓下的Metro Cafe搞掂。最近幾次睇戲前都來開餐，這裡已經成了我們的開飯點。來到這裡，沙律是必吃的。沙律材料任揀，即點即撈，感覺新鮮。今次要了椒絲、吞拿魚及蒜茸包粒，醬汁要千島汁。蔬菜和椒絲爽脆，吞拿魚味鮮，蒜茸包香口也夠脆，撈埋開胃的醬汁，實在不錯。也點了我喜愛的fine herb chicken，半隻。香噴噴的雞，嗅覺先得到滿足。先吃雞腿，嫩滑多汁，啖啖肉，但就欠缺了雞味，要靠香草汁去勺味，好在香草汁調校得不錯，令隻雞仍然好吃。再食雞胸，明顯是比較嚡，但說真的也並不算太韌，可以接受。三文治用上了麥飽，感覺更健康。麥飽不會雪得過硬，餡料是大量的火腿和芝士，還有蕃茄和生菜，十分豐富，也新鮮，大致滿意。檸檬汁幾醒胃，又不會酸到眼都盲，係很好的健康飲品。吃完剛好夠鐘入場，要多謝OR送出的電影換票卷。