六合小廚 (已結業)

性價比高茶記。係尖沙咀真係好難搵一間價錢又合理，食物質數又好既茶記。同朋友行完街，行行下見到《六合小廚》易拉架，心諗開而個位，通常都唔太好，會中招，但俾佢價錢圖片吸引左，所以試一試。上到去裝修雅緻，枱與枱之間寛敞，唔會迫。經餐廳侍應介紹後，點了一個咸魚雞粒炒飯，蠔仔餅，車仔麵剩餸。咸魚雞粒炒飯： 夠鑊氣，夠乾身，飯粒分明，唔會淋，份量超多蠔餅：即叫即整，蠔仔夠多，脆卜卜， 連邊邊位都係脆，仲要唔油，無得輸車仔麵：侍應哥哥叫我地兩個女仔，就見意我地唔好食咁多，怕我地食唔洗，叫我地叫餸試下，所以叫餸但叫叫下都叫左好多😂😂😂豬虹，蘿白，牛筋，牛雜，冬菇，墨魚春卷+胡椒豬肚湯底😬湯底夠濃，夠胡椒味豬虹 煙煙靭靭，唔係淋到爆，無味果d蘿白夠清甜，帶有牛香味，唔係老蘿白牛雜同牛筋，必食，係必食，食香味俱全。總括黎講，唔好俾佢位置外表呃到，本身以為中㐲程到會好高，但又真係估佢唔到，味道好，分量又多，價錢合理，最緊要係侍應哥哥服務態度極到好，敬業樂業，會介紹好味值得食小菜，仲會提提唔好叫咁多野，怕我地眼闊肚窄👍🏻👍🏻👍🏻