MOO MOO Plus (百德新街) (已結業)

聖誕假在即，嚟緊朋友又會飛，趁佢飛之前食餐飯先~餐廳有唔少聖誕裝飾，節日氣氛濃厚。大家下晝都食咗tea, 所以夜晚簡簡單單，睇完menu決定點Carbonara 同夏威夷薄餅嚟食。夏威夷薄餅上菜既時候好香。pizza上面層芝士好厚，面層用上菠蘿粒、波椒粒同火腿片作點綴，配埋酸酸甜甜既千島醬，口味唔錯。朋友同我鍾意食Carbonara，今次碟意粉上面鋪咗唔少芝士碎，啱哂作為芝士控既我😆 欣賞佢塊Parma ham唔會太鹹，而且卡邦尼醬係自家製，creamy 得嚟亦美味。