大漁屋台 (已結業)

其實九龍灣真係好少日本菜，最近新開家食丼食刺身嘅「大漁屋台」，lunch set價錢好貼地，質素都好OK！Lunch set有冷熱定食，選擇多。我就揀左B餐手握壽司御饍+手打烏冬，又有飯又有烏冬食，一次過滿足心大心細嘅我。店員先送上麵豉湯，邊飲湯邊等食。定食有沙律菜及日式前菜，一啲都唔馬虎仲有滑嘟嘟燉蛋，內藏雞肉，充滿驚喜另外最吸晴緊係七款壽司，全部都輕輕塗上醬油，所以壽司飯都帶有啲淡啡色。有油甘魚、三文魚、帆立貝、甘蝦、玉子、鰻魚、加州卷，非常豐盛最後食埋個手打烏冬，雖然清清地但已經好滿足原來仲有一球雪糕做飯後甜品，有芝麻、綠茶、豆腐味選擇，天時暑熱食番啖雪糕真係一百分💯