泰和 (已結業)

幾年前大水坑村開咗間叫泰和嘅泰國餐廳，個海南鷄飯好好食，雞肉嫩滑，油飯有油香之餘且粒粒分明，曾經要排隊多時等候入座，所以每次下午經過見人少會衝入去或買外賣，但有時約下午1點半已經賣完。今日行過見無乜人，咁啱又有一個位，即坐底同點海南鷄飯($44)，凍檸茶(加$2)，呢度嘅海南鷄是沒有起骨的，鷄皮尚算肥美，但鷄肉已無之前那麼嫩滑了，油飯又撈得不夠均勻，泰式辣汁又發揮了用處；附送之冬瓜湯但唔夠味。飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料算夠凍，茶味算夠濃。