今次間嘅麵包舖又係排到好誇張，不過排隊嘅速度快過上次嗰間好多👍🏻排咗大概20分鐘左右就輪到我💕
排到我嘅時候聽到有店員出去同後邊嘅客人講蛋撻準備買晒佢哋未必買到🙈我覺得我自己真係好好彩🥹
見佢哋有新既柚子口味蛋撻，但我本人對柚子冇咩興趣，所以我最後都係揀咗拿破崙焦糖千層撻，同埋買咗個酥皮包🙈
排咁耐先買得兩樣嘢覺得自己都有啲蠢，不過買太多又食唔晒😂
撻皮好脆，焦糖味好香💕個酥皮包煙肉味都好濃，同樣都係好脆口👍🏻
之前聽食過嘅同事講佢哋嘅麵包正常冇咩特別，但今次食佢個酥皮包就覺得幾出色👍🏻可能因為都係酥皮嘅緣故🤔
