影片
更多
2024-10-13
345 浏览
噚日（12-10-2024 Sat）朝肚餓要食嘢，由於我唔想食熱氣嘢，就由老公發版，佢又嚟要等好耐嘅呢間買，今次佢精喇，買“應該”已整好晒嘅嘢，咁就唔使等咁耐啦，佢就買咗$38.00嘅粥粉麵餐，皮蛋鹹瘦肉粥配豉油皇肉碎炒麵，同$32.00嘅點心餐，要叉燒腸（2條）同蝦餃（2粒），飲熱鴛鴦。買到返嚟打開睇，點解係兩套一模一樣嘅粥粉麵餐？唉！老公冇細心睇，而且都拎到返嚟，唔去換，照食啦。豉油皇肉碎炒麵好油，係太多油而味道好濃，材料就有芝麻，椰菜，蘿蔔絲同洋蔥，至於肉碎，係完全冇。2分皮蛋鹹瘦肉粥，粥杰， 鹹瘦肉係鹹但好鬆軟但有啲膻味，食到最後我覺得有味精。1.7分服務：老公話佢去到，店員同佢講可電子落單，又問有冇揀扒類，有就即刻幫佢煎咗先。老公答冇。點知落完單都等幾耐至有，重要係俾錯嘢。抵食：其實我睇返張單，點心餐唔多嘢食，都要$32.00，呢一刻，佢哋只係做外賣，唔平。1.5分其他：經過前日嘅經驗，今次老公主動講走餐具。題外話：接我上篇問又一間咩嘢？呢篇有答案啦。
買到返嚟打開睇，點解係兩套一模一樣嘅粥粉麵餐？
唉！老公冇細心睇，而且都拎到返嚟，唔去換，照食啦。
豉油皇肉碎炒麵好油，係太多油而味道好濃，材料就有芝麻，椰菜，蘿蔔絲同洋蔥，至於肉碎，係完全冇。
2分
皮蛋鹹瘦肉粥，
粥杰， 鹹瘦肉係鹹但好鬆軟但有啲膻味，食到最後我覺得有味精。
1.7分
服務：
老公話佢去到，店員同佢講可電子落單，又問有冇揀扒類，有就即刻幫佢煎咗先。老公答冇。點知落完單都等幾耐至有，重要係俾錯嘢。
抵食：
其實我睇返張單，點心餐唔多嘢食，都要$32.00，呢一刻，佢哋只係做外賣，唔平。
1.5分
其他：
經過前日嘅經驗，今次老公主動講走餐具。
題外話：
接我上篇問又一間咩嘢？呢篇有答案啦。
张贴
