銓滿記餐廳小廚 (已結業)

一坐低就係咁催你叫嘢食，話佢知要睇睇先，唔夠30秒又嚟問，來來回回問你三四次，煩都煩死！到點菜喇，又話呢樣無嗰樣無，解釋話要過年啦，D嘢貴哂，好多嘢都唔做，要指定叫“新春菜式”！叫杯凍啡少甜就嚟杯熱啡，話佢知嚟錯咗，佢就問我做咩唔飲熱啡，我問返佢如果我食熱啡就唔使叫少甜啦，佢就口up up 就行開叫水吧搞，水吧問佢錯乜，佢夠膽死話唔知個客搞乜，叫啡又唔講凍定熱，我差D想起身爆粗……點咗3個菜3碗飯，味道麻麻，D飯嘅米好很差，食落去散嘅，杯啡淡而無味，一D啡味都無！絕無下次！