勝旨炸豚拉麵 (已結業)

呢間舖位置唔起眼，路過見到新開，舖細細，但勝在企理，決定試試！一坐低老闆就熱情招呼，又介紹拉麵湯底絕無味精，可以按自己喜好選擇濃度，但拉麵款式唔算多，得豚肉，炸豚兩款（老闆話係舖頭特色，用靚豚肉做材料，好味唔使多款式）我選擇左炸豚拉麵，湯底要濃+糖心蛋。炸豚同碗麵分開上，賣相平平，但睇得出湯底用長時間熬制。食落味道比味千集團好得多，豚肉炸得剛剛好，濃湯底好有味，飲完個湯咀唇會黏黏地，好正！但略厭份量少，要飲埋湯先剛剛好。最值得留意係隻糖心蛋，一個字，甜！唔捨得一啖食晒。整體滿意。下次會再食！