八月花 (已搬遷) 新店位置

如果唔係AE card有50% offer，都冇諗過嚟幫襯。情況跟上次mega box嘅喜百合一樣....平日夜晚都一樣要排吓隊，相反隔籬嘅又一泰就鬼影都唔見隻...既然有五折，可以叫多幾樣試下...脆脆BB乳豬--- 皮頗脆，微暖，但肉不多。食落普普通通，跟永合隆及新斗記絕不可相提並論....太座點名要叫D特別嘢。呢度標榜食新派中菜，當然有大把選擇la。火燄威士忌栗子紅棗燴牛膝，徹頭徹尾嘅fusion菜式。嗶一口汁試試，加入whisky後汁入喉頗辛辣，味係類似紅酒汁嘅味，感覺幾特別；牛膝份量極足，肉炆得夠淰糯，但奇怪地稍嫌不太入味；栗子極甜極淰，比肉味道更佳....杞子雞湯浸時蔬--- 用嘅係菜苗。上次已响喜百合食過，驚喜欠奉。雞湯偏鹹，要扣分...甘橘脆蝦球--- 又係特別菜色。用橘子製汁，用嚟伴海鮮，確實幾match，食落口感幾清新，橘子計酸酸哋，又帶有少許橘子獨有嘅苦澀味，幾開胃；蝦大隻之餘亦爽口新鮮。美中不足係橘子汁份量不足，令D蝦好似未完全"上色"....再嚟個桶仔飯當白飯食。用料足(瑤柱、拆蟹肉、雞粒、冬菇粒等)，味道不錯....最後送嘅八月花茶，入口甜甜哋，當成甜品亦未