川滿居 (京都廣場)

营业中

休息中

川菜已經成為香港人最愛菜式之一， 今日要光顧嘅一間川菜店喺銅鑼灣新開張冇耐， 點都要畀個評價佢。金湯酸菜魚，$188。 金黃色嘅賣相幾吸睛。 呢度嘅酸菜魚可以選擇辣度， 選擇中辣嘅我 感受到同正宗重慶嘅辣度十分吻合， 至於酸味就差少少。 魚肉方面， 都係正路嘅鯰魚， 店舖預備嘅份量算係大份， 魚肉嘅口感係鮮嫩嘅。 內裏仲有幾款菌類， 萵筍同埋薯粉， 係一款合格嘅酸菜魚。京蔥羊肉配麼麼皮，$98。 一上碟就聞到類似上海街頭羊肉肉夾饃嘅味道， 配合麼麼皮其實就係類似肉夾饃嘅食法， 所以一定冇得輸。 所以關鍵就落喺羊肉身上， 呢度廚師嘅功力唔錯， 成碟羊肉都好有鑊氣， 爆炒出嚟嘅京蔥香噴噴， 係款色香味俱全嘅作品。