星怡 (已結業)

疫情終於開始緩和，我都襯著此早出早回，來到尖沙咀iSQUARE，還走到一間新開的新加坡餐廳，據聞還是經過百年傳承的「星怡」，諗起都心動。進店後，環境簡潔而光猛，而且更有檳城嘅壁畫，令人回想起那裡的各種回憶。來到「星怡」，當然要食勻咁多款美食。新加坡香辣魚蛋這裡的魚蛋口感爽滑彈牙，配上惹味辣醬，更顯美味。南洋加央多士 (班蘭)多士烘至金黃酥脆，中間夾著班蘭及厚厚牛油，入口有著順滑濃稠嘅班蘭味，又有酥脆多士口感，其味道平衡得宜，讓人一口接一口。特級北海道帶子海鮮喇沙麵食喇沙就一定走唔甩嫁啦，他們以鮮甜特級北海道帶子作主打，配上豆卜、流心蛋、鮮蝦、青口等，非常豐富。而且湯底濃郁，微微香辣，真係越食越惹味，食到停唔到口。