影片
更多
2017-07-21
130 浏览
落雨天最啱就係打邊爐，今晚就嚟左依間火鍋店滿足個胃！嗌左個好香好香嘅冬瓜花膠湯底，好滋潤！今晚食左印象深刻嘅牛，羊，豬，田雞，聖子，鯪魚球，鮮蝦丸，墨魚丸，同埋紫菜響鈴，全部都好好味！首先係依個牛皇拼盤，除左平時見慣嘅牛肉粒，牛脊肉，牛舌等部位之外，比較特別嘅就係個白色果幾片牛白肉啦！食落好爽口，好有口感，咬落去，散發出嚟嘅牛香充斥成個口腔，好正好有滿足感！牛白肉其實係牛嘅喉嚨附近嘅一個部位，最好玩就係，食嘅時候記得計時啊，放落去10秒就得，唔係就老架啦！跟住落嚟就係羊啦！d羊肉恰到好處嘅騷味真係搞到我食完一片又一片，完全忍唔住口啊！下面依份秘制豬肉條真係好值得推介。點餸果陣見到依個名，唔知係咩嚟，但好似幾特別咁，就唸住一於試下啦！果然有驚喜！d豬肉切到一條一條咁，好有豬肉味，再加上餐廳秘制嘅醬料，很特別！好耐冇食過田雞啦，好鍾意食，見到餐牌上面有，梗係即刻點啦！d田雞上嚟嘅時候好新鮮，大腿脈搏肌肉仲係度跳動，驚嘅朋友仔就要做好心理準備啦哈哈。不過係要咁新鮮，食果陣先會又滑又有口感㗎！聖子都係今晚嘅一個亮點！都係十秒就食得！清甜爽滑新鮮！同粉絲搭配埋一齊，同前面嘅肉類產生
今晚食左印象深刻嘅牛，羊，豬，田雞，聖子，鯪魚球，鮮蝦丸，墨魚丸，同埋紫菜響鈴，全部都好好味！
首先係依個牛皇拼盤，除左平時見慣嘅牛肉粒，牛脊肉，牛舌等部位之外，比較特別嘅就係個白色果幾片牛白肉啦！食落好爽口，好有口感，咬落去，散發出嚟嘅牛香充斥成個口腔，好正好有滿足感！牛白肉其實係牛嘅喉嚨附近嘅一個部位，最好玩就係，食嘅時候記得計時啊，放落去10秒就得，唔係就老架啦！




跟住落嚟就係羊啦！d羊肉恰到好處嘅騷味真係搞到我食完一片又一片，完全忍唔住口啊！

下面依份秘制豬肉條真係好值得推介。點餸果陣見到依個名，唔知係咩嚟，但好似幾特別咁，就唸住一於試下啦！果然有驚喜！d豬肉切到一條一條咁，好有豬肉味，再加上餐廳秘制嘅醬料，很特別！

好耐冇食過田雞啦，好鍾意食，見到餐牌上面有，梗係即刻點啦！d田雞上嚟嘅時候好新鮮，大腿脈搏肌肉仲係度跳動，驚嘅朋友仔就要做好心理準備啦哈哈。不過係要咁新鮮，食果陣先會又滑又有口感㗎！

聖子都係今晚嘅一個亮點！都係十秒就食得！清甜爽滑新鮮！同粉絲搭配埋一齊，同前面嘅肉類產生鮮明對比，真係一種享受！

除左依d動物類，打邊爐點少得最愛嘅丸仔！鮮蝦丸，鯪魚球，同埋墨魚丸，全部都係餐廳手打，又香又彈牙！最鍾意就係個鮮蝦丸，回味無窮啊！

平時食嘅響鈴一般都冇加其它嘢，依度嘅響鈴就夾左紫菜係中間，都幾特別。就咁食又得，浸落水幾秒再食又得，個人就比較喜歡浸下落水先！紫菜嘅香味會更加突出！

平時都好鍾意打邊爐，依間嘅出品真係幾唔錯！大家得閒嘅話一定要去試下啊！
张贴
