新泰東南亞餐廳 (已搬遷) 新店位置

間中就鐘意食泰國菜。灣仔新泰有兩間 今次試下另一間分店。泰菜種類好多 淨係咖哩都好多款式 揀左廚師推介既咖哩麵包軟殼蟹～大大個 麵包都食到飽😂 新鮮焗出來的麵包好鬆軟。咖哩唔會太辣 以椰汁香味為主 惹味～ 軟殼蟹配咖哩 我都是第一次。又幾特別 炸到鬆鬆脆脆既軟殼蟹。炸蝦餅～ 超好味。啖啖蝦肉 又夠彈牙。熱辣辣 而且大大舊 仲有8件 $78 絕對抵食。泰式炒金邊粉 泰菜必點。賣相好靚 有蛋絲在面。酸甜的比例拿捏得唔錯 配料好足。蒜蓉牛油雞翼～ 幾入味 重點係夠‘蒜’ 雞翼控要試～食泰菜 點可以冇椰青呢。夠凍又夠甜 正。