溏苑 (已結業)

曾經去過溏苑, 覺得呢間店都好犀利, 店舖細細, 迫滿人, 仲坐到出門口, 真係唔講得笑, 今次再去竟然係我個FD話想試, 佢話睇過雜誌同食評好掂, 所以捉我黎食係門口等位期間, 見到玻璃有一張大海報寫住而家做緊CHOCOLATE FAIR, 選用Valrhona 85%, 我咁鐘意食朱古力,仲係85%, 超期待.今次叫左個朱古力梳孚理, 同埋一個超大件既窩夫. 個梳孚理真係無得頂, 比起上次係尖咀既5星酒店仲正, 真係超超超正! 另外件窩夫真係好大件, 仲有3個雪糕球, 件窩夫唔係好脆, 但都唔差, 如果下次可以脆D就好啦, 另外, 呢間店真係好有HEART, 除朱古力係靚料外, 連雪糕球都唔係坊間既cheap野, 真係佩服! 再加上價錢唔貴, 希望佢地真係能保持到.