影片
更多
2012-10-15
652 浏览
平時閒日休半日息鍾意可以優遊自在咁食個午飯,啱啱夾好時間通常都會去陸羽,因為啱啱食完午飯既中環一族已上班去也.某個星期的一天,突然又心血來潮想去飯吓茶,但今次好可惜呢,遲咗決定,所以訂唔到位,退而求其次就去咗福臨門.所謂退而求其次唔係話福臨門比唔上陸羽,事實上以質素唻講,佢地可以話係不相伯仲,但如果想食啲特別,老式既點心就非陸羽莫屬,畢竟福臨門提供既都係大路少少既點心.寫咗咁耐好似係寫緊陸羽既食評,冇乜福臨門既嘢寫過.但咁高質素既食店一定要用番同一級數既地方先可以寫得有趣味啲.因為嗰日都係同我女人去,所以已經盡量去試,但奈何始終唔係試到太多,以下就係我地食過既嘢.雞扎,我好鍾意食雞扎,基本上我見到就會忍唔住要叫番個.福臨門既用料當然係用高級既料,剩係塊淮山都已經比其他地方靚,有啲地方真係一塊乾淨淨既樹皮咁,但佢柔軟度適中,亦有片片既淮山味,至於個魚肚索晒啲精華,成個雞扎既靈魂就係晒個魚肚到,舊雞係滑溜溜,但係呢,個人嚟講都係鍾意連骨既雞件多啲.但現代人鍾意滑雞都無可厚非.其實我最想叫一個白飯撈埋啲汁佢,可以食到一個白飯呢.叉燒就我女人比我欣賞,我個人口味比較鍾意西苑既大哥叉多啲,因為相
所謂退而求其次唔係話福臨門比唔上陸羽,事實上以質素唻講,佢地可以話係不相伯仲,但如果想食啲特別,老式既點心就非陸羽莫屬,畢竟福臨門提供既都係大路少少既點心.寫咗咁耐好似係寫緊陸羽既食評,冇乜福臨門既嘢寫過.但咁高質素既食店一定要用番同一級數既地方先可以寫得有趣味啲.
因為嗰日都係同我女人去,所以已經盡量去試,但奈何始終唔係試到太多,以下就係我地食過既嘢.
雞扎,我好鍾意食雞扎,基本上我見到就會忍唔住要叫番個.福臨門既用料當然係用高級既料,剩係塊淮山都已經比其他地方靚,有啲地方真係一塊乾淨淨既樹皮咁,但佢柔軟度適中,亦有片片既淮山味,至於個魚肚索晒啲精華,成個雞扎既靈魂就係晒個魚肚到,舊雞係滑溜溜,但係呢,個人嚟講都係鍾意連骨既雞件多啲.但現代人鍾意滑雞都無可厚非.其實我最想叫一個白飯撈埋啲汁佢,可以食到一個白飯呢.
叉燒就我女人比我欣賞,我個人口味比較鍾意西苑既大哥叉多啲,因為相對唻講佢唻得比較淋,如果你鍾要有趙頭啲就福臨門會比較適合你,而口味亦沒有西苑咁重,佢比較輕少少.(當然肉質方面可能係咁啱比咗呢個部位我,希望有機會再驗証)
蝦蛟,食落去有蝦既鮮味同爽,加上佢既皮,咬落去唔黏牙但又有啲煙韌,都係讚.
墨魚餅, 只係影到得番一塊,因為送到上枱我地已經急不及待咁食咗兩件,同三十蚊有三塊嗰啲酒樓比呢個真係完全兩回事.彈牙,濃郁既墨魚味,一口咬落去,趙兩趙,整個口腔都充滿咗墨魚味,跟著再深呼吸一吓,等個腦都感受一下墨魚餅係乜嘢味道,真係食到上腦,必吃之選.
牛肉腸,比較普通既一個點心,因為已經淋了豉油,所以我既功力試唔到佢有冇米味,但本人實在是太愛腸粉了,所以每次飲茶都會吃一碟.
最後喺度諗應該叫多兩三個點心,定係叫啲炒粉面呢,點心想諗嗰啲都試得差不多,就叫個味菜牛柳絲炒面啦.送到上枱,味菜唔係死甜,牛柳絲唔係用食粉醃到淋,有牛肉味,亦有牛肉既口感,非常非常之唔錯既一個炒面.評價是正面的,水準當然亦十分高,味道和用料亦值得比呢個價錢,但可能是情意結吧,感覺陸羽還是第一選擇.純粹個人喜好.
张贴
