今次出手撕雞安格斯漢堡，又雞又牛又蘑菇，好似好得wor～加錢仲可以換黑松露風味薯條，貪新鮮試埋佢！
俾大家睇睇先，呢個係廣告照，係唔係好吸引呢～d手撕雞多到～但係現實中我個包係得一條手撕雞！
有冇咁過份呀！搞到我以為俾左個蘑菇安格斯我！上次食漬物蝦堡又係，得幾條漬物，完全食唔到果種＂原來同漬物係咁夾㗎＂嘅感覺。
但撇除冇雞之外，個醬有少少微辣，係幾好味。
咁個薯條呢？
登登登登！呢pat野就係黑松露醬，賣相依然hea爆，但最大問題係唔似黑松露，反而似平時食豬肋骨嘅煙燻醬味⋯
睇黎signature都係食返蘑菇安格斯最穩陣。
