樓下冰室

近排個個星期都去冰室食,好彩間間都算有D新意思

平時我就唔係特別好雞脾,不過見係照牌就試下啦

我叫左個蕃茄通粉+瑞士汁雞脾$48, 幾豐富, 如果包埋野飲就更好啦, 如果唔係食個高級少少既常餐要成60蚊其實有d貴囉,猶其係荃灣咁多好野食。

先講個脾先, 大大隻, 好入味, 入味得黎就唔會太重口味。之前食過紅磡冰室係瑞士雞翼真係好鹹。

蕃茄通粉, 湯底濃郁, 唔會過酸過鹹, 我好鍾意, 所以2飲哂d湯。

同埋有埋炒蛋, 滿足哂我對常餐既熱忱(某程度係因為有蛋食)。只可惜炒蛋o係個濃湯入面少左自己既味道,覺得分開上會好d。