The BASE nature (已結業)

觀塘嘅The Base就食過幾次，原來荃灣竟然開左分店，見到環境都唔錯又唔洗等位就試下同觀塘有冇唔同啦。睇下餐牌同觀塘真係差唔多喎，唔想諗所以點左個二人餐。呢個蕃茄湯好足料，啖啖茄蓉同好細粒嘅洋蔥，好好飲，仲有蒜蓉法包好香脆。呢個蕃薯條我好鐘意，配左個幾特別嘅咖哩醬，味道幾夾，蕃薯條好甜。松露蟲草花雜菌米形粉配埋溫泉蛋好正，夾埋蟲草花同菇一齊食唔會覺得太漏。慢煮安格斯肉眼，牛扒有肉汁，配埋特別的醬汁口感不錯。