立鮨 (安富大廈) (已結業)

又係夏日必食壽司系列，今次同男朋友試試位於荃灣嘅立鮨，有別於其他分店，荃灣嘅分店增設咗Bar枱位、二人枱、四人枱等座位，唔使企住食當然舒服啲，不過可以企住食都別有一番風味，各有各好～自選壽司無論係三文魚腩、吞拿魚、火炙帆立貝定係赤蝦都同樣高質，口感嫩滑，壽司飯混合咗醬油，飯粒軟硬適中，味道層次更為豐富！迷你魚子海膽杯啖啖海膽加新鮮魚子真係大滿足，味道清淡甘甜，口感奶滑而又濃郁，入口即溶，相當鮮甜！