譚仔三哥米線 (又一城)

营业中

休息中

又一城間三哥開左之後，令我平時係九龍塘食LUNCH既生活添滿色彩，以後去果度既FOOD COURT又可以多一個選擇。呢間譚仔同其他分店唔同既就係佢居然仲有早餐選擇，以後食早餐就唔一定食M記啦!講番D野食，呢間三哥有新出既蕃茄湯底，試過一次個蕃茄湯底，係湯係好甜好重蕃茄味，仲有好多蕃茄肉係入面，飲落去係好rich好豐富，可惜夾埋落米線係好唔襯，可能係因為米線都係襯酸辣多過甜湯啦。所以今次我都係簡番自己最愛既豬潤酸辣。感覺上同其他分店比起，個味道有小小唔同左唔係好夠辣，不過個份量就反而好似多左，算係不過不失啦。講番起豬潤，佢地比既份量都好多，食到尾都會仲有豬潤，夠粉，軟硬度岩岩好，唔會煮得太耐硬ban ban咁，咬落水你會見到少少血絲，咁係好正常，豬潤係唔可以太熟架。講埋配料就韭茶芽茶都幾多。總括黎講，雖然又一城三哥賣得比出面分店既三哥係貴左少少，不過份量都好夠食，資素都幾好，推介！