影片
更多
2016-05-02
280 浏览
早前細妹響FB post左呢間Sweetology既甜品相，靚到流口水，趁住假期，一於黎試下。餐廳位於溜冰場旁邊，好似一間獨立玻璃屋咁，好靚；走到室內，係好簡約既白色設計，好啱女仔既心意。打開餐牌，估唔到價錢唔太貴，大部分都響$50-$80左右，未食飯好肚餓，鹹甜品都試下先。呢度提供各式各樣既All Day Breakfast，有英式、美式、歐陸式、港式同Egg Benedict，我揀左「美式全日早餐」($88)，材料好豐富，有北海道3.6牛奶炒蛋、煙肉、火腿、炒蘑菇、Pancake、雜菜沙律、薯條。我最欣賞係炒蘑菇，用洋葱炒到好香，D菇味出晒黎，好好味；如果你同我一樣，都對Pancake有難以解釋既情意結，咁呢塊配左火腿既Pancake就very good勒！軟熟香甜有蛋味，同鹹食好夾。薯條炸得香脆，上面灑上有味粉，有少少似Shake Shake薯條，心心眼；怕食完熱氣？食番旁邊既新鮮沙律就No Problem；最後唔好忘記個炒蛋，非常滑溜！注意番，呢個全日早餐分量好足，切忌眼闊肚窄做大嘥鬼！「窩夫：鹹味，經典原味」($72)，碟既兩旁係窩夫，中間係沙律同橙，感覺有少少似學生餐，哈哈
餐廳位於溜冰場旁邊，好似一間獨立玻璃屋咁，好靚；走到室內，係好簡約既白色設計，好啱女仔既心意。打開餐牌，估唔到價錢唔太貴，大部分都響$50-$80左右，未食飯好肚餓，鹹甜品都試下先。
呢度提供各式各樣既All Day Breakfast，有英式、美式、歐陸式、港式同Egg Benedict，我揀左「美式全日早餐」($88)，材料好豐富，有北海道3.6牛奶炒蛋、煙肉、火腿、炒蘑菇、Pancake、雜菜沙律、薯條。我最欣賞係炒蘑菇，用洋葱炒到好香，D菇味出晒黎，好好味；如果你同我一樣，都對Pancake有難以解釋既情意結，咁呢塊配左火腿既Pancake就very good勒！軟熟香甜有蛋味，同鹹食好夾。薯條炸得香脆，上面灑上有味粉，有少少似Shake Shake薯條，心心眼；怕食完熱氣？食番旁邊既新鮮沙律就No Problem；最後唔好忘記個炒蛋，非常滑溜！
注意番，呢個全日早餐分量好足，切忌眼闊肚窄做大嘥鬼！
「窩夫：鹹味，經典原味」($72)，碟既兩旁係窩夫，中間係沙律同橙，感覺有少少似學生餐，哈哈，好健康！趁熱食，窩夫面層仍然保持香脆，有蛋香；夾埋煙肉碎太陽蛋、火腿、蔬菜食，鹹香美味又唔乾身；畫龍點睛既係Cream Cheese，好軟滑，正！
以上兩個餐都可以配飲品，唔駛乾啃。我今日飲柚子蜜，唔太甜，啱啱好，陣間食甜品都唔怕甜到漏。
黎到Sweetology，無理由唔食甜品。「朱古力三文治」($72)，有香濃朱古力味之餘，唔會好甜，而且旁邊仲有雜莓、果仁同雲呢嗱汁，解除甜膩感，成個甜品感覺並唔heavy，食完都零罪惡感，過兩日就可以再黎啦，哈哈！
张贴
