九份飽 (蜆殼街) (已搬遷) 新店位置

本身好鐘意食台灣野，所以但凡有新既台式餐廳 我都會去試~~~ 炮台山呢間九份飽其實同一間西環既台式店差不多，位置唔多而且都係比較窄再睇下menu 食物選擇都ok , 我同朋友就叫左幾個小食一齊share ~~ 炸甜不辣：即叫即炸，熱騰騰上枱，外脆內軟，口感Q軟 好好味!!肉鬆起司蛋餅：厚實的蛋餅包裹著滿滿既肉鬆同芝士，每口都令人有幸福的感覺。但如果芝士份量再多啲就正喇~~跟住就係大家既主食喇:香酥排骨米粉：排骨炸得外酥內嫩，炸粉薄，肉味肉汁仍能保留，而湯底較清，米粉爽口Q彈，有正宗台灣米粉的感覺。紅燒牛肉麵：紅燒湯底濃郁芳香，帶點點的辣味，少許的惹味，飲完而不渴喉，足證其完全沒有添加味精。牛肉份量頗多，亦非常入味，而麵條較軟身，是另一種風味口感。鮮奶黑糖珍珠: 味道不錯，珍珠黑糖味算濃，但同街外當然無得比喇清涼一夏：甜度適中，帶點點的酸，配上檸檬的芳香，令人清爽萬分。