沐白小農 (已結業)

最近多咗好多唔同嘅飲品店 係荃灣見到沐白小農嘅店舖 睇落幾清新 又係主打個人好鐘意嘅牛奶 就決定同朋友一齊試下見到有最近好hit嘅黑糖波霸珍珠鮮奶 仲要係呢到嘅招牌飲品 點都叫返杯過下珍奶癮😋 賣相好正睇落黑糖味會好足 飲落佢嘅珍珠都幾彈牙 食得到黑糖嘅味道 配埋鮮奶果然係絕配 仲叫咗一杯草莓牛奶 見餐牌話啲草莓仲係採用咗智利草莓 所以都幾期待 賣相見一杯飲品都用咗唔少草莓 好足料 即榨嘅草莓好新鮮 同鮮奶一齊飲有種乳酪嘅味道 飲落唔會好稀好水 草莓牛奶味突出 幾不錯朋友仲揀咗杯大甲芋頭鮮奶 芋頭同牛奶嘅比例啱啱好平均分配 仲食到好突出嘅芋頭蓉 加上味道又唔會太甜 都唔錯㗎總括而言 呢度嘅鮮奶有好多唔同種類選擇 鐘意奶類製品嘅都可以嚟㗎