叁不館

营业中

休息中

呢間店超正,所有食材都好高級。醬料好多,仲有自家制既蔥頭油,唔錯!鍾意既仲可以成樽買走。叫左個花膠雞湯底,雞好靚,花膠都好多,打邊爐前飲左碗湯,就黎打完邊爐既時候再飲一碗,花膠已經融左去湯底到,超正!仲要我今餐主打海鮮,海鮮加花膠花雞既湯底係精華。今餐食左好幾款我既至愛,有龍蝦,切完後有成6大件龍蝦係好易拆肉,鮮甜味美。蟶子特長又大條,洗到好乾淨,好彈牙。帶子肉身極富彈性，味道鮮味甘甜。翡翠苗嫩綠爽脆,打邊爐都一流。呢度既汽水買3送1,係玻璃樽來的,好正呀!呢家係我目前為止覺得性價比最高既邊爐店。