影片
更多
2015-09-07
1789 浏览
小肥同哥哥、K哥、以及契妹喺灣仔克街一家新開o既韓式燒烤店慶祝完一輪，四人大感意猶未盡，所以就行咗去隔離英皇中心，上樓上「CEO Neway」 度唱K。XO仔實在係太耐冇唱K啦，去到先知原來K店以前o既花生果盤早已變成包裝薯片零食，K友唔想食到喉嚨沙啞，因而唱唔到歌，可選擇攞返屋企慢慢嘆，不過單售$70包似乎食水深咗啲喎！當日黃金時段人頭費為$159，每位包咗兩杯原價$25指定o既無酒精飲品，咁即係話入場費及房租每人$109，有私人廁所用，又有電腦打碟，其實都好合理。凍檸蜜（原價$25）：凍檸蜜內含三片檸檬，當中o既蜜糖味唔夠濃厚潤喉，所以小肥第二杯轉咗飲蘋果汁。蘋果汁（原價$25）：清澈o既蘋果汁好明顯係盒裝飲品倒出黎，故味道只可用正常黎形容。埋單每人$235，有勁多新歌唱，室內冷氣足，大家都好興奮，不過貴就貴在嗰四包薯片囉 ！
XO仔實在係太耐冇唱K啦，去到先知原來K店以前o既花生果盤早已變成包裝薯片零食，K友唔想食到喉嚨沙啞，因而唱唔到歌，可選擇攞返屋企慢慢嘆，不過單售$70包似乎食水深咗啲喎！
當日黃金時段人頭費為$159，每位包咗兩杯原價$25指定o既無酒精飲品，咁即係話入場費及房租每人$109，有私人廁所用，又有電腦打碟，其實都好合理。
凍檸蜜（原價$25）：凍檸蜜內含三片檸檬，當中o既蜜糖味唔夠濃厚潤喉，所以小肥第二杯轉咗飲蘋果汁。
凍檸蜜
$25
166 浏览
1 赞好
0 留言
蘋果汁
$25
117 浏览
1 赞好
0 留言
张贴
