聚寶海南雞專門店 (已結業)

晚上於紅磡區搵食，行過呢度門口見到海南雞飯套餐38蚊，有雞有飯有湯有菜仲有餐茶，好似幾抵就即刻入去ORDER左一份，先來餐湯，青紅蘿蔔煲豬骨，水多料少清清淡淡麻麻地啦，之後主菜到啦，雞已去骨，都幾嫩滑，但係D醬料就麻麻地，豉油唔係果D黑蚊蚊好杰身既黑醬油，酸辣汁唔夠酸辣。仲有個油飯都係麻麻地，飯粒雖然乾身不過有D硬身，反而油菜份量都幾多喎，有大半個西生菜，出街食野都係多菜少肉健康D。