金田日本料理 (已結業)

前一排見有間日本料理開左，鐘意食三文魚既老公當然會叫老婆一齊黎試下喇，點不知，非常失望．有分散叫同放題，我地揀左散叫，皆因又唔係食得多嘛！Waiter and Waitress開頭都唔錯，但見我地叫咁少野就樣都變左，好在語氣都仲OK，初黎報到梗係叫少少試下先嘛，見唔太好，就唔會再叫喇！三文魚壽司４件：ｄ飯一夾就散晒，三文魚都ok新鮮既．甜蝦壽司１件：味道一般喇！帶子壽司１件：一食落口，好想lur出黎，但又唔想side，好鯹啊！麵豉湯１碗：唔係幾夠味．金龍卷：類似係tempura蝦既餡，最好食既一個．清酒煮蜆：酒落多左，令到個湯好苦，蜆就勁多沙．