家家戶戶

营业中

休息中

今日午餐同朋友去左尖沙咀既韓國街食呢間家家戶戶，相對好有韓國住家飯既感覺，有好多套餐可以選擇，而每份套餐都附有幾碟韓國伴菜 👍🏻我哋叫咗個泡菜豬肉鍋 同 辣豬肉韓國雜錦飯 豬肉鍋 上菜熱辣辣，香噴噴 佢嘅辛奇係偏酸嗰種，酸酸辣辣都幾開胃，料都算多，有豆腐，豬肉，辛奇，金菇 而個雜錦飯 有紫菜，豬肉，翠玉瓜，蘿蔔，芽菜，仲有靈魂嘅煎雞蛋 💯💯 將佢一齊拌好就食得 🤤拌飯永遠望落簡單，但係工夫都唔少 而且好難唔好食，而跟餐仲附有一碗紫菜湯，都幾貼心，有碗熱湯 😍至於拌菜，每個餐都有4小碟，都幾有誠意包括一碟花生，韭菜，牛蒡，仲有唔少得嘅辛奇。全部都合格既