夢工房西日料理 (已結業)

今晚得我同阿仔兩個食晚飯，見仲係暑假， 出區外覓食，食佢至愛嘅放題估唔到呢度裝修都唔錯，成個遊樂場咁， 入到去心情自然放鬆。天花有吊起氫氣球，周圍放滿figure，牆身同椅都好colorful🎉呢度係西日火鍋放題，我哋嘅策略係先食咗刺身同其他熟食，最後先上火鍋呢度有一大堆食物係傳統嘅畫紙仔，另外火鍋配料，飲品，甜品就係自助形式出去攞。 刺身都係任叫，種類繁多，新鮮甜美呢度嘅煎炸嘢相當唔錯燒三文魚頭骨，燒得好香。仲有大蝦天婦羅，松葉蟹棒天婦羅，炸漿薄薄地，熱辣辣出爐，呢幾樣我哋 都有encore. 榴槤炸彈，脆卜卜嘅波波包住裏面啲榴槤肉，榴槤味出曬嚟仲有叫壽司，羊架，雞翼，薄餅….. 食咗大概一個鐘左右，我哋就叫火鍋啦，揀咗蟹膏粥底，因為我哋兩個都好鍾意食蟹，仲有肥牛，海蜆，蔬菜，金菇…….打完邊爐嗰啖粥甜到呢最後梗係要食番杯雪糕，打返個完美句號先走。