Orca (已結業)

對於不少年輕人，去西貢已經唔止淨係食海鮮，今日放假和愛人到西貢CHILL下，就揀咗這間沒有中文名字的餐廳，想不到有意外驚喜！巨型豬扒跟薯菜肉底夠厚夠大件，用餐刀輕輕一切已經骨肉分離，少少肥嫩就至啱我同愛人。豬扒本身已經夠味但落埋汁醬更加香口。薯菜方面有番茄、青瓜和露筍粟米仔煙肉卷……香草焗雞翼6隻雞翼好肥好大隻，啖啖肉，焗得剛好。三色醬有泰色辣汁、蜜糖汁和美奶滋。燒牛肉紫洋蔥沙律成份有新鮮連皮菠蘿、蕃茄、紫洋蔥、蒜片、大量沙律菜，仲有鋪上面的大大塊燒牛肉，難得軟嫩唔靭。青春小蜜桃無酒精的Mocktail至啱我和愛人。這杯青春返晒嚟的小桃汁，其實仲有菠蘿、薄荷、梳打水……甜多過酸，好似初戀一樣。假的真不了店長推家想必有保證，二話不說就點了這杯同樣是無酒精的Mocktail。成份是蝶豆花、玫瑰花蜜、青檸、梳打水……這杯就酸多過甜，蝶豆花色靚味濃。