Monster Kitchen

营业中

休息中

今晚去咗荔枝角啲小店食飯，都算抵食，味道幾好，仲要唔限時任坐，啱晒同朋友傾偈。一開始先食啲炸薯條啦，薯條有和風紫菜同明太子醬，一路傾一路食幾開心😁跟住叫杯凍朱古力，仲有棉花糖，又靚又好飲📸主菜方面，食咗一個意粉同埋烤焗大黃雞，食物份量好足，好飽肚！牛油果蟹肉忌廉明太子意粉味道香濃，明太子令到忌廉意粉冇咁滯，雖然大大碟，但係我哋竟然食晒🫣烤焗大黃雞配咗松露菇菌醬，估唔到味道都幾搭配👍 半隻嘅份量好多，我哋都食唔晒旁邊嘅薯蓉。本身仲想食甜品，是日精選有抹茶焦糖燉蛋，不過真係太飽食唔到！下次再食。