影片
更多
2009-08-05
14 浏览
今天與我三年的同窗書友，而且仲係HCL入面既二姐(?!)食Lunch，佢係上環返工，咁我地就過左中環個面食lunch啦。佢尋晚問我食咩好，我就suggest呢間啦，話係佢去英國前試下英國菜先呀~~~大概12:25黎到，無book位，但入到去發現大把位，佢安排左窗邊既位俾我，我好鍾意呀，因為可以望到出面既環境，而且不時有涼風吹過，非常舒服，海妹未有咁早到，佢就俾左個menu同埋杯水我，俾我慢慢睇，完全無催我呀。終於等到海妹啦，佢一黎到就話覺得呢度環境好靚呀，哈哈，佢鍾意咁就實在太好啦。有3個main course揀，最後我地一個要左 Welsh lamb stew，一個要左fisherman's pie。首先黎湯同沙律，我飲過個湯，應該係南瓜湯，但我覺得個味道偏淡左少少，飲落去無咩味，但係好滑的。沙律我幾鍾意佢個sauce呀，酸酸地鹹鹹地，幾開胃。跟住佢就每人一個派左個Yorkshire Pudding代替麵包，再加少少燒汁，個味道同我expect既真係幾唔同，因為其實真係無咩味，因為燒汁變左有少少鹹味，但因為佢幾鬆軟，而且有少少麵包香，所以幾特別，我覺得好難去形容佢好唔好食呀 =P個羊
佢尋晚問我食咩好，我就suggest呢間啦，話係佢去英國前試下英國菜先呀~~~
大概12:25黎到，無book位，但入到去發現大把位，佢安排左窗邊既位俾我，我好鍾意呀，因為可以望到出面既環境，而且不時有涼風吹過，非常舒服，海妹未有咁早到，佢就俾左個menu同埋杯水我，俾我慢慢睇，完全無催我呀。
終於等到海妹啦，佢一黎到就話覺得呢度環境好靚呀，哈哈，佢鍾意咁就實在太好啦。
有3個main course揀，最後我地一個要左 Welsh lamb stew，一個要左fisherman's pie。
首先黎湯同沙律，我飲過個湯，應該係南瓜湯，但我覺得個味道偏淡左少少，飲落去無咩味，但係好滑的。沙律我幾鍾意佢個sauce呀，酸酸地鹹鹹地，幾開胃。
跟住佢就每人一個派左個Yorkshire Pudding代替麵包，再加少少燒汁，個味道同我expect既真係幾唔同，因為其實真係無咩味，因為燒汁變左有少少鹹味，但因為佢幾鬆軟，而且有少少麵包香，所以幾特別，我覺得好難去形容佢好唔好食呀 =P
個羊肉幾好味wor，份量其實唔係太多，主要令你飽既都係下面既薯蓉，佢勝在同個sauce好夾，個sauce又唔會太濃搶左d味，個羊肉幾淋唔會難入口，側面D配菜加埋個SAUCE都好好食架。
我食左幾啖海妹既FISHERMAN'S PIE，我地兩個都以為佢薯蓉下面係魚，但原來有好多唔同既海鮮架，例如帶子，三文魚等等，我食個舊三文魚好滑架，好味! 不過係入面個忌廉汁應該幾重，所以食左d已經覺得幾漏，哈哈，海妹食到一半已經叫飽啦，完全食唔哂~~~仲有呀，我食左一碟薯條，非常超級好味，因為佢好脆，而且有d黑椒鹽係面，唔駛掂茄汁都好好味。佢個薯蓉表面應該係特登整到個國旗個樣架，好有心思 =)
之後我同佢講仲有dessert佢都呆左，哈哈，但個dessert黎到太靚啦，我地唔忍心忽略佢，所以都有努力食! 拖肥+朱古力醬圍繞著個Toffee Pudding，真係非常吸引，我食既時候都已經完全無諗肥唔肥呢個問題啦。入面仲有少少果肉添，好味呀，完全唔覺得佢過甜，淨係食佢都已經覺得好開心啦。
佢中間曾經黎錯左一樣野食，佢地好緊張，仲連續講左幾句sorry，而且個pie好快就黎到啦，所以覺得服務好好呀。
還有一個月你便要過去英國了，雖然你很快就會回來，可是仍然很想在這段時間跟你一起製造更多美好的回憶呢，因為......在大學能夠遇見你，真的已經幸運得很不可思議了。
张贴
