八幡屋涮涮鍋

营业中

休息中

去瓊華食放題是常識吧！呢間放題幾乾淨，自助吧企理，行埋去有少少去左日式超市行街既感覺。重點係生熟海鮮都新鮮好食，刺身選擇好多，唔鐘意生食又可以叫海鮮拼盤放落涮涮鍋煮，一大班人去都唔驚有野唔岩食。海鮮控黎到就最開心。重點一提係海鮮拼盤所有貝類都好靚仔，隻隻厚肉，海蝦都生猛大隻，涮一涮，點少少豉油已經好好味。其實我地食左 D4套餐，因為佢半價優惠，可以任食龍蝦... 哈哈哈，但班人餓鬼投胎冇影到，隻隻都開左邊好方便食，因為新鮮所以就咁原味已經好正，有成隻手掌咁大，肉質又爽，成枱食兩三四隻都抵左。