更多
2012-05-02
250 浏览
本人立誓, 就算全香港餐廳都執曬,我都唔會再去油麻地廟街美都餐室。火滾時間:4月30日上午約十二時人物: 我, 老公,11個月大BB女(未識行)背景: 一向支持舊式茶餐廳, 我們幫襯此餐廳6年,每1-2個月去1次,食物不俗,飲品水平飄忽,尤其奶茶,老麥都好過佢。但一直相安無事。 事緣: 我們三人於餐室2樓卡位坐低, 卡位位置近水吧及工作台, 餐室15-20枱幾乎滿坐,名伶羅家英亦在坐。我抱BB坐一邊、老公坐對面。我們order咗凍0茶、熱奶茶、排骨飯及湯通粉。等食物至上了凍0茶、熱奶茶呢段時間,11個月大BB女用手拍拍枱拍拍櫈,撩後面枱ge姐姐玩,餐廳內其他枱食客各自談話,聲浪如一般茶餐廳. 唔算好嘈, 但一定唔係靜。到上咗排骨飯, BB肚餓,見飯大叫一聲(一聲幾秒啦,並非勁喊尖叫),聲音有點大, 我們前後枱 目及 一 目及 我們。我快快手喂D排骨飯比BB等佢唔好再叫。但唔係啖啖都夠快,於是BB再叫一聲。我還未來得切su…我BB,老闆ge仔(35+歲,高大 ,2樓話事人, 老闆坐1樓) 冲埋黎,用好唔耐煩的表情望著BB同我講: “小朋友,你好嘈呀,嘈到其他人,靜D啦。” 我無出
本人立誓, 就算全香港餐廳都執曬,我都唔會再去油麻地廟街美都餐室。火滾
時間:4月30日上午約十二時
人物: 我, 老公,11個月大BB女(未識行)
背景: 一向支持舊式茶餐廳, 我們幫襯此餐廳6年,每1-2個月去1次,食物不俗,飲品水平飄忽,尤其奶茶,老麥都好過佢。但一直相安無事。
事緣:
我們三人於餐室2樓卡位坐低, 卡位位置近水吧及工作台, 餐室15-20枱幾乎滿坐,名伶羅家英亦在坐。我抱BB坐一邊、老公坐對面。
我們order咗凍0茶、熱奶茶、排骨飯及湯通粉。
等食物至上了凍0茶、熱奶茶呢段時間,11個月大BB女用手拍拍枱拍拍櫈,撩後面枱ge姐姐玩,餐廳內其他枱食客各自談話,聲浪如一般茶餐廳. 唔算好嘈, 但一定唔係靜。
到上咗排骨飯, BB肚餓,見飯大叫一聲(一聲幾秒啦,並非勁喊尖叫),聲音有點大, 我們前後枱 目及 一 目及 我們。我快快手喂D排骨飯比BB等佢唔好再叫。但唔係啖啖都夠快,於是BB再叫一聲。
我還未來得切su…我BB,老闆ge仔(35+歲,高大 ,2樓話事人, 老闆坐1樓) 冲埋黎,用好唔耐煩的表情望著BB同我講: “小朋友,你好嘈呀,嘈到其他人,靜D啦。” 我無出聲,BB當然唔明 , 有小朋友ge朋友都明白,11個月大BB點叫佢咪嘈呢,我都盡力喂等佢唔好叫,但我此時無唔高興,咁我快快食,快快走lor…..BB之後一直食飯無叫….直到….
好啦,到排骨飯食曬, 湯通粉都未到,問題黎啦,BB仲想食野,食物食曬,一定唔happy, 安撫BB(同佢玩, 抱抱佢) ge時候我老公催單,店員話就到,我地好聲好氣話” 唔該快D”,咁等等lor, 等ge時候BB又叫,老闆ge仔冲埋黎用好差ge語氣同態度叫我個女唔好再嘈。我都無出聲但有D唔高興,都想快D走…點知
老闆ge仔問店員我地個湯通粉係咪未到,店員話係,老闆ge仔好大聲(一定大聲過BB叫聲la)話: “取消佢啦, 唔做啦, 咁嘈! “(無問過我地), 我覺得佢好無禮貌,洗唔洗當眾落我地面先, 我老公行出去同佢講: “湯通我地無話取消, 宜家你係咪單方面取消先?都唔需要咁講野掛?”
老闆ge仔一邊寫單(1樓埋單) 一邊:” 係呀,唔做啦, 咁嘈! “,我抱BB開始行落樓梯想離開,突然聽見佢講:” 你地反省下點做人老豆老母啦,教到個小朋友咁嘈!” 就係呢句終極辣馨我,我忍唔住行番上去講 ” 先生,你緊係無小朋友la, 如果你覺得嘈, 想我地快D走,你D食物應該上快D, 當然e家唔洗la, 見到你都唔開胃” 走人…唔想同呢D人吵..
11個月ge BB叫幾聲,就係我唔識做人老母…..??!
火都黎,平心而論,我BB真係唔係過份嘈,BB第二次叫ge時候,除左前後枱, 其他枱客人都無望過我地。我地去好多其他餐廳從來無比人話過,其他餐廳亦見過好多其他小朋友更加嘈,我亦無見其他餐廳侮辱小朋友ge父母。舊式茶餐廳,又唔係去安靜ge高級餐廳,小朋友聲音真係不可接受到要趕客? 仲要咁態度?
我認為好多好ge老餐廳結束營業,唔係因地產商壓迫,而係下一代經營不善所致。美都餐室可惜了!!!
美都餐室可惜了!!!
张贴