影片
更多
2012-06-09
28 浏览
聽朋友講,話佢同事食完又再食多次,諗落好似好得, 點知原來係一間垃圾我食宵夜時段9:30pm,放題任食兩小時. 本來已經早一日訂位, 未夠9點15分已經到左門口等位, 點知一等就等左40分鐘, 仲要係同d 即場令位既人一齊入去, 咁我同冇book位有咩分別, 咁都算啦.. 食飯人數有3人比張2人桌我, 點坐呀大佬, 肥d都手貼手,連叫多少少食物都冇位放. 諗諗下已經唔對路, 叫經理換過張桌比我地, 經理就叫我地坐住先, 過20分鐘就可以換桌. 係呢段時間,我地已經冇叫野食,坐係度等,等,等…過左20分鐘換左啦. 入場時間又話唔比改, 之後嬲嬲地,叫佢搵個經理級先好同我講野. 經理當然立即就改時間比我. 態度都算ok既. 到左10:15分先叫做開始叫野食. 立即order刺身, 炸物, 炒野, 都係得個等字, 又等左30分鐘先有得食, 刺食係等得最耐, 連隔離桌都話要成30分鐘先等到, 我地聽到之後立即order第二轉, 係等緊既同時, 講下d食物, 壽司d飯, 酸到呢, 仲衰過任何一間壽司店刺身中甜蝦仲要食落帶臭味, 朋友嘔都嘔唔切其他刺身算唔新鮮, 凍都唔凍, 唔似有雪到炸雞腎食落去
我食宵夜時段9:30pm,放題任食兩小時. 本來已經早一日訂位, 未夠9點15分已經到左門口等位,
點知一等就等左40分鐘, 仲要係同d 即場令位既人一齊入去, 咁我同冇book位有咩分別, 咁都算啦..
食飯人數有3人比張2人桌我, 點坐呀大佬, 肥d都手貼手,連叫多少少食物都冇位放. 諗諗下已經唔對路,
叫經理換過張桌比我地, 經理就叫我地坐住先, 過20分鐘就可以換桌. 係呢段時間,我地已經冇叫野食,
坐係度等,等,等…過左20分鐘換左啦. 入場時間又話唔比改, 之後嬲嬲地,叫佢搵個經理級先好同我講野.
經理當然立即就改時間比我. 態度都算ok既.
到左10:15分先叫做開始叫野食. 立即order刺身, 炸物, 炒野, 都係得個等字, 又等左30分鐘先有得食,
刺食係等得最耐, 連隔離桌都話要成30分鐘先等到, 我地聽到之後立即order第二轉, 係等緊既同時, 講下d食物,
壽司d飯, 酸到呢, 仲衰過任何一間壽司店
刺身中甜蝦仲要食落帶臭味, 朋友嘔都嘔唔切
其他刺身算唔新鮮, 凍都唔凍, 唔似有雪到
炸雞腎食落去只有暖, 口感好淋, 仲有血水出
炸鯉魚球食落去見到肉係粉紅色及口感好淋
炒蜆一碟只有一半係熟
炸芝士年糕未熟, 食到有麵粉味:
天婦羅蝦ok
蜜汁牛肉ok
冬菇時菜ok
咕嚕肉ok
一口炸豆腐ok
食完咁多野, 之後只有天婦羅蝦再叫多轉,其他野都冇食, 到左11:15分既時間, 個經理問仲有冇其他order 要cut單,
我地話仲有刺身未黎, 頂, 等左咁耐先知走單, 都唔知點做野, 咁都算啦, 一肚氣. 唔食走人
比左張VISA卡佢埋單, 過左5分鐘又令張單黎叫埋單, 我咪比左你囉, 嘩, 有病架, 整唔見張卡.
佢搵完一輪,又再問我你真係放左張卡入去. 呢個時候真係忍佢唔到, 叫個經理你自己睇閉路電視有冇收過我張VISA卡.
佢再搵多陣,我睇住佢係收銀機個度搵返張卡, 仲要好似冇野咁, 一句SORRY都冇講. 我當然信唔過佢點知有冇埋左其他單, 立即打上卡台問.
總結: 唔好去食, 你食左一定會嬲死, 正一垃圾舖
题外话/补充资料：
垃圾, 請你食都唔好去,差到不知所謂
(以上食记乃用户个人意见 , 并不代表OpenRice之观点。)
张贴