美心皇宮 (屯門大會堂)

营业中

休息中

星期六放咗工三個人去飲茶，十二點半到，預咗要等一排，不過都唔緊要，因為都好好味。美心皇宮環境幾光猛，同埋有車仔堆，有紙選點心，啲服務員都好勤奮。 鳳眼餃—好正，皮唔算好薄，但係上面啲翅同蝦子幾好睇，下面粒蝦好鮮好甜，總之好好味！旦王燒賣—好薄皮，上面粒旦都幾香，不過如果冇咁干會更PERFECT，下面粒燒賣豬肉好好，好有肉汁！山竹牛肉—汁同牛肉係分開上，唔似其他酒樓會倒落去就算，好比心機，味道當然好！咖哩魷魚—好有驚喜，平時其他酒家都會好鹹同埋好靭，哩間好唔同，佢係汁好香濃而不鹹，而且魷魚係好林，好厲害！基本上我哋都食得好滿足，以後我諗我哋都會去哩間食嘢飲茶！