可能我每次都係點金鑽鳳梨綠，味道一直好穩定，無咩技巧，點三分糖、正常冰最啱我口味。今次仲係我第一次喺旺角分店試，假日下午茶時間，都有少量人排隊，等候時間並唔耐。餐牌分原茶、果茶、鮮奶茶、黑糖粉圓系列等，定價$17-33。 糖度、冰度自選，分中/大杯，大部份飲料提供熱飲選擇。
2
仙草凍奶茶 $29/正常糖/正常冰
點左期間限定嘅仙草凍奶茶，比較清爽，味道唔錯，半糖應該更合適添。一芳嘅奶茶類用鮮奶製作，無奶粉奶精，價格同香港大部分茶店差不多。用上日月潭紅茶，奶茶有茶味，奶淡不膩口，仙草份量唔多，口感滑捋捋，有甘草香氣，味道自然，而且消暑
一芳水果茶 $30/熱/半糖
水果茶一向係招牌，除左例牌百香果，仲有切片嘅蘋果、橙，點左熱飲，唔會熱到辣咀，啱啱入到口，呢個天氣飲都唔難受～
