花椒子 (已結業)

今日上太空食川菜（雅蘭中心附近），一經過門口就比門面吸引住，係香港好少見到而啲主題餐廳，於是同朋友試一試😎😎呢個餐廳位於地牢，需要行兩層樓梯，但係行入餐廳嘅過程一啲都唔沉悶，兩邊充滿着太空嘅設計👍🏻👍🏻湖南辣子炒雞呢個有啲似乾鍋，但係就一直開着過爐黎煮，雞肉好滑嫩，味道亦都好夠味，雖然就話係湖南辣子炒雞，但係就唔算好辣，啱晒嗰啲唔食得辣嘅人，但係又想食下辣子炒雞👍🏻👍🏻另外，都要讚一讚佢嘅青椒，煮得好入味同埋好爽脆；再者，我哋都追加左牛肉片，牛肉好亂畫配埋雞煲嘅底湯，真係好好食（佢哋嘅菜單有專門教人點煮牛肉），正～飄香酸菜鱸魚片一想來，就見到雖然碗細細，但係份量十足；魚肉好嫩滑，塊塊都好厚，湯底亦都夠酸夠辣，而且仲有粉絲萵筍同埋酸蘿蔔片，配飯一流～太空彩虹木桶冰打卡必要之選，木桶冰內總共有四條雪條，分別有紅豆味、朱古力味、牛奶味及朱古力脆皮，同埋有兩球雪糕味道分別係芒果味及牛奶味，而且底下有沙冰、紅豆同埋涼粉，好足料👍🏻