影片
更多
2020-03-19
61 浏览
受到肺炎疫情影響，相信大家都抱住一個想去旅行但去唔到嘅心❤️～小妹都一樣，深同感受，由年頭到而家，取消左三個旅行嘅安排。😭香港人仲可以去邊？留返係香港等疫情好轉再去旅行血拼啦！而家就當草住彈藥先～去唔成台灣，就去銅鑼灣登龍街食住「燈籠滷味」先！😂去親台灣夜市食滷味，一定要配王子麵先覺得夠地道！😏王子麵其實同公仔麵差唔多，不過麵條更幼更爽～但呢到嘅麵煮得有啲腍，如果有得揀麵嘅軟腍度，或煮硬身啲會更好！甜不辣口感煙韌，豬耳朵外軟內脆，口感有層次，必試！❤️豬腱肉雖然滷得入味，不過口感有啲嚡。鵪鶉蛋有四、五粒，份量毫不吝嗇，最後再加個大陸妹（唐生菜），好有台式嘅風味。雖然台灣嘅滷味多數浸完滷湯之後，會附上少量滷湯，感覺好似食撈麵咁，不過少左湯之後會比較快凍，所以要盡快食用呀！同埋，如果有特色醬汁或辣醬會更好，因為味道有啲寡，但整體來說，配料係唔差嘅！
相信大家都抱住一個想去旅行但去唔到嘅心❤️～
小妹都一樣，深同感受，
由年頭到而家，取消左三個旅行嘅安排。😭
香港人仲可以去邊？
留返係香港等疫情好轉再去旅行血拼啦！
而家就當草住彈藥先～
去唔成台灣，就去銅鑼灣登龍街食住「燈籠滷味」先！😂
去親台灣夜市食滷味，
一定要配王子麵先覺得夠地道！😏
王子麵其實同公仔麵差唔多，
不過麵條更幼更爽～
但呢到嘅麵煮得有啲腍，
如果有得揀麵嘅軟腍度，或煮硬身啲會更好！
甜不辣口感煙韌，
豬耳朵外軟內脆，口感有層次，必試！❤️
豬腱肉雖然滷得入味，不過口感有啲嚡。
鵪鶉蛋有四、五粒，份量毫不吝嗇，
最後再加個大陸妹（唐生菜），好有台式嘅風味。
雖然台灣嘅滷味多數浸完滷湯之後，
會附上少量滷湯，感覺好似食撈麵咁，
不過少左湯之後會比較快凍，所以要盡快食用呀！
同埋，如果有特色醬汁或辣醬會更好，
因為味道有啲寡，
但整體來說，配料係唔差嘅！
张贴
