阿木台灣麵 (豉油街)

今晚同朋友兩個人去食呀木
叫左蕃茄牛肉麵，炸雞扒便當，芹菜蚵仔煎蛋，滷牛筋，嗌咗兩杯飲品，桂花烏龍茶，金橘檸檬四季春

蕃茄牛肉麵，個湯底超濃郁嘅蕃茄味
個牛肉係入口即溶超級正，佢可以揀片切或者角切 (細心位加分)我係揀咗片切

去台灣店一定要食炸雞扒，大約等咗15分鐘內，熱辣辣嘅炸雞扒入口鬆化配埋肉燥飯一口接一口真係停唔到

芹菜蚵仔煎蛋，食到係好紮實嘅感覺，如果鍾意食紮實嘅雞蛋一定要嗌

滷牛筋，我自己加咗佢嘅辣椒醬，配搭埋一齊食少少辣入口溶化嘅牛筋，正！

桂花烏龍茶，佢係冇糖嘅，食完濃味嘅嘢可以清一清口腔，感覺清新