花椒子 (已結業)

朋友知道我喜歡炒雞，就約咗去花椒子食飯，係雅蘭側面落地庫幾方便，到達原來是以太空做主題十分特別。湖南辣椒炒雞配美國肥牛片，一來到炒一炒就可以食到，雞十分嫩滑又份量勁多，入面有類似木耳好爽口，辣椒就煮多陣淋身先食好惹味，辣度慢慢出來十分惹味，肥牛再加上醬汁一齊食好正。飄香酸菜鱸魚片，酸辣度幾高，如果酸度少點會更好。鱸魚不少厚度剛好，魚身好滑，入面配料不少，入面的粉絲比較粗身，口感仲有點彈牙，味道勁入味。叫了2款咁惹味菜式，當然再配一個白飯最岩。朋友推介這個太空彩虹木桶冰，仲十五十六因份量激大份，但她講下面有涼粉即時心心眼，4枝雪條有2枝好特別，牛奶和薑味極濃郁，另外仲有2枝雪條和雪糕就普通正常。紅豆大粒好淋身好味道，配少許冰再加下面涼粉食不錯，如4人份最好。飲品價錢幾抵飲，各自叫了一杯，芒果沙冰勁大杯，芒果味唔假，沙冰岩哂食辣嘢勁解渴。竹庶芧根水不太甜味道幾濃。每人包加一約$320/位，以份量不少來講都幾抵食不錯。