京城 (已結業)

8月9日, 今日呀菲去搵喺鰂魚涌返工嘅呀比食lunch~ 又忽然京菜癮起~ 於是去咗呢間京城開餐~::: 京蔥羊肉湯拉麵 ::: $33京菜最愛除咗餃子之外就係京蔥羊肉~ 呢度嘅京蔥羊肉湯拉麵都十分吸引! 拉麵大大碗, 京蔥又多又香, 令湯底味道都特別濃郁~ 羊肉片有dd韌, 不過肉味都濃~ d拉麵係白雪雪嗰隻, 麵身較軟淋煙韌, 食下食下都幾飽肚! 整體係好味嘅~ 滿足咗我地想食羊肉濃味野嘅願望!::: 韭菜鮮肉餃拼冬菇馬蹄鮮肉餃 ::: $33餃子都係放湯煮然後用湯浸住, 呢個食法略嫌唔夠正宗, 不過味道總算唔錯~ 叫咗兩種唔同口味嘅餃子, 唔洗講都知韭菜餃實係濃味d嗰隻, 餃子皮厚薄適中, 咬落煙韌有陣淡淡麵粉香, 正好中和濃味嘅餡料~ 冬菇馬蹄鮮肉餃味道會較清淡, 反而更食到肉味香甜. 不錯不錯~::: 凍豆漿 ::: $6豆漿飲得出豆味之餘甜得自然唔過份, 重點係夠凍~睇呢間野午飯時間人頭湧湧就知佢確係食得過! 雖然未真真正正去過北京, 但感覺上呢度嘅京菜都做得頗有北方口味! 除咗餃子同拉麵之外, 仲有d京菜客飯同小食都幾吸引~ 有機會要再嚟試試~