影片
更多
2018-03-14
570 浏览
係九龍城搵野食, 第一時間諗起就係泰國野, 行過見到金寶, 同一條街有3間都係金寶, 唔知揀邊間就求其入左一間啦~雖然話食泰國菜, 但原來餐牌都有得揀越南菜食, 選擇種類多, 唔怕諗唔到食咩牆上都係名人簽名, 估唔到有咁多名人黎食過中間原來打通左可以望到隔離既金寶tim~ 〰️鮮蝦卷〰️ 估唔到係咁大舊卷, 入面有粉絲,蝦,雞肉同金不換卷住黎食, 一啖咬落去又唔會散哂出黎, 最緊要點埋個汁一齊食, 酸酸甜甜好開胃架 〰️香茅豬頸肉凍檬〰️ 平時去食凍檬, 檯面都有一大樽魚露自己落, 所以有時會落太多, 令到個檬粉唔好味!呢度只會俾一小碗既魚露, 開頭仲諗會唔會唔夠架, 點知撈完之後先發覺味道岩岩好~加埋生菜青瓜紅蘿白一齊食, 口感好豐富豬頸肉外層燒到脆卜卜, 又唔會燒得太過火令到好乾身, 食落好爽口 〰️串燒 (雞/豬/牛)〰️ 每樣都有2串, 雞肉好滑, 牛肉有少少辣好惹味, 豬肉配埋沙嗲一齊食超夾 〰️馬拉盞通菜〰️ 每次食泰國菜都必叫, 通菜好爽好新鮮, 又唔會好辣, 食到唔停得口 〰️泰式明爐蒸魚〰️ 今次揀左蒸烏頭, 一上檯就見到有好多菜係條魚上面, 而且仲有好多香料, 另外仲俾左碗魚
雖然話食泰國菜, 但原來餐牌都有得揀越南菜食, 選擇種類多, 唔怕諗唔到食咩
牆上都係名人簽名, 估唔到有咁多名人黎食過
中間原來打通左可以望到隔離既金寶tim~
〰️鮮蝦卷〰️
估唔到係咁大舊卷, 入面有粉絲,蝦,雞肉同金不換卷住黎食, 一啖咬落去又唔會散哂出黎, 最緊要點埋個汁一齊食, 酸酸甜甜好開胃架
〰️香茅豬頸肉凍檬〰️
平時去食凍檬, 檯面都有一大樽魚露自己落, 所以有時會落太多, 令到個檬粉唔好味!
呢度只會俾一小碗既魚露, 開頭仲諗會唔會唔夠架, 點知撈完之後先發覺味道岩岩好~
加埋生菜青瓜紅蘿白一齊食, 口感好豐富
豬頸肉外層燒到脆卜卜, 又唔會燒得太過火令到好乾身, 食落好爽口
〰️串燒 (雞/豬/牛)〰️
每樣都有2串, 雞肉好滑, 牛肉有少少辣好惹味, 豬肉配埋沙嗲一齊食超夾
〰️馬拉盞通菜〰️
每次食泰國菜都必叫, 通菜好爽好新鮮, 又唔會好辣, 食到唔停得口
〰️泰式明爐蒸魚〰️
今次揀左蒸烏頭, 一上檯就見到有好多菜係條魚上面, 而且仲有好多香料, 另外仲俾左碗魚湯俾我地加, 咁就唔怕燒到乾哂冇哂水
條魚好新鮮, 一路熱住黎食好熱辣辣, 肉質好滑又冇腥味, 加上個湯底帶點酸甜, 食落好開胃
张贴
