泰象館

营业中

休息中

自從屯馬開通之後，我哋真係好興奮，因為以後去九龍城食嘢真係方便咗好多呀！九龍城係唔少泰國人嘅聚居地，呢度有好多泰國超市同餐廳，所以呢度亦有小泰國之稱。今日我哋就嚟到呢區搵食，試吓泰象館嘅地道泰菜啦！炸魚餅小食方面就揀咗炸魚餅，炸魚餅非常厚實，口感豐富。裏面釀入唔少泰式香料，加埋泰式辣醬一齊食，味道更有層次。青咖喱雞配蒜蓉包泰式咖哩分為唔同顏色，我哋就特別鍾情青咖喱。青咖喱之所以呈現青色，係因為加入新鮮青辣椒，所以比紅咖喱同黃咖喱較辣。加上唔同嘅香料，味道非常惹味突出。雞絲份量好多又夠嫩滑，但最正當然係要加埋蒜蓉包一齊食，蒜蓉味香濃，麵色烘得超脆口，索埋咖哩汁一齊食，好好味。泰式乾炒豬肉河份量超多，河粉大大塊好滑口，醬汁濃郁。配料有豬肉、芥蘭，加埋泰式辣椒粒一齊食就最正喇！海南雞飯雞肉係脾位，雞肉嫩滑又唔肥，雞肉味香濃。味飯粒粒分明，配上特製醬汁，味道剛剛好。