泰妃雞 (已結業)

食海南雞基本我只係鍾意食去骨的，好時去得太多所以黎試下呢間係港島區既泰妃雞，可能因為下午五點幾去到，客人不多待應話我鍾意坐邊都得，一黎就即叫一客海南雞飯，餐飲要例湯，雖然係一般中式例湯不過呢度水準我覺得唔錯，飲o左成半碗先開始食個飯，個飯一睇落去賣相其實好一般，有感覺d雞油飯會係一舊舊咁，但一食落原來唔會真係痴埋咁，雞油香又夠，另外d雞都好好食，大部份都好滑，連其中一兩舊雞胸都唔會話太過鞋，只係唔知點解有其中一兩舊d骨去唔乾淨，好彩情況唔算太過份，另外個醬汁雖然唔夠同心果度咁好食，但都算係相當唔錯的，埋單四十蚊我覺得都算抵食的。