小念頭 (通菜街) (已搬遷) 新店位置

原本滿心期待，約左兩個朋友專門去試下小念頭嘅甜品。店員都好有禮貌，環境都ok ，可能系平日 店入面就無咩人，咁得兩張枱，就擇左張黎坐。但系甜品櫃嘅甜品出曬事，好伏。一出到甜品櫃 ，發現完全無得簡，好失望。成個甜品櫃得六樣甜品 ，有一個系全個蛋糕，我都系第一次簡唔到要食咩甜品。咁一場黎到，就叫左其中兩個試下（圖中甜品）。原來要一人至少一個甜品，我明白小店難做，但我唔系唔想叫，我都無得簡，只好叫一個平平無奇，完全唔想食，有個士多啤梨系頂嘅蛋糕。（唔好意思 無圖 不過大家會想像到一個三角形嘅蛋糕有粒士多啤梨系上面咁）系普通到完全唔洗相機食先。 可能你會問 ，六樣甜品 ，扣除全個蛋糕同已叫嘅兩款 ，仲有三款簡呀。因為平平無奇嘅士多啤梨蛋糕已經系最正常，另一個系一啖就食得完，細過湯匙嘅蛋糕，但要六十幾蚊，另一個 見到都唔想食嘅蛋糕。有一刻覺得好無助，好想轉身走。蛋糕嘅味道不過不失，但完全浪費左我想食甜品嘅心情。食甜品明明好高興，會諗下食邊個嘅，心大心細。我會推介比有選擇困難嘅朋友黎。