南京金陵湯包 (已結業)

上星期五在佐敦宵夜，通常去金成粥麵，但想試試新嘢。見金成對面呢間店招牌幾吸引，想試好耐~於是心動不如行動，點知就中哂伏...招牌的金陵湯包，$36得四件，皮唔薄，饀唔靚，湯唔多，有兩件剛夾起，仲未食就皮層斷裂跌左餡出來...基本上可以話唔係好合格,仲要幫襯成$78，都無杯茶比客飲。元寶小雲吞，識用紫菜蝦皮做湯，不過皮做唔到散尾效果，而且粉相當厚，雲吞饀甜但擺明係師傅搭夠...連招牌菜都做唔好，同土瓜灣安徽街巧興餃子店，甚至上海美食之家比，點心價錢仲唔算便宜。對每年都去南京，食慣南京菜的文公子來講，係毋須再去的選擇...最唔抵係，白白浪費咗一晚的宵夜Quota！