木咖啡 (已結業)

想喺鬧市中享受片刻寧靜，嚟呢度都可以，但對食物質素唔好有期望…當日一入到去，發現所有空位都仲有上手留低嘅垃圾或杯喺度，望一望店員，冇反應，唯有自己動手執。 買咗份雞蛋煙肉意式三文治同一杯mocha，大概6-7分鐘就送到嚟，都算快手👍 不過好失望，mocha冇朱古力味，而且好酸（可能咖啡嘅嘢我唔識啩?），份三文治，原來係煙肉蛋漢堡嘅加長版，連個包嘅質感都一樣，但老實講，麥當當仲好食啲… 除咗食物差啲之外，其實環境都好好，俾到我一種好舒服嘅感覺，或者等佢食物方面改善咗先會再嚟。