名悅酒家 (已結業)

見間酒樓新開~諗住去試下啦~2點幾去到...等o左幾個字~等o既期間問門口個姐姐拎點心字~應都唔應下~以為佢聽唔到啦~咪叫"唔該......" ... 之後先拎張紙俾我...8樣野 ~ 食o左成300 ~ 8 元茶錢 ~ 咁既價錢 ~ o係新都城有好多選擇 ...咁o既食物質素 ~ 有好多好過佢又平過佢o既選擇 ~至於服務質素 ... 隔離枱有人叫野食 ~ 好耐都無人理佢 ... d 侍應忙住執枱轉晚市 ... 但係門口係無客 ~ 咁隔離枱就叫唔該啦 ~ 點知有個男侍應就話 : 你睇唔到我執緊野 ? 等緊先啦得唔得啊 ... 仲要好大聲囉 ... 燒賣 : 價錢貴過灌湯餃 ~ 諗住應該唔錯 ~ 點知d皮硬硬地~d蝦又梅梅地 ... 海皇灌湯餃 : 面有好多白色油花 ~ 有幾條"入口即溶"o既素翅~餃好實~原來入面好似肉餅咁~加幾粒蝦仔~鹵水掌翼 :沒有鹵水味 ~ 有點似豬腳仔 d 味 ~蘿蔔絲炸兩腸 : 食第一舊 ~ 好似梳打粉味 ... 同一條另外兩舊都係 ... 食完個口仲有陣梳打粉味 ~ 想嘔 ...賽旁蟹鍋貼 : 皮硬 ~ 我諗佢係係咁 2 煎一煎 (請看圖)